2024-mi kvartalimi siullermi siorna taamaalineranut naleqqiullugu akit appariarlaarput

Kalaallit Nunaanni Naatsorsueqqissaartarfiup aalisakkat akiinut naleqqersuutit 2024-mi kvartalimi siullermut tunngasut saqqummersippai. Aalisakkat tassaap­put kinguppannit, qaleralinnit saarullinnillu tunisassiat, 2010-mut oqimaalu­tarneqartut. 

 

Agguaqatigiissillugu kiilumut akinik naleqqersuutinik naatsorsuinermi Kalaallit Nunaata avammut niuernerani akit annertunerusumik atorneqarput, ilaatigut tunisassiortut anginerit akigititaannik tapertaqartarlutik. Tassa akinik naleq­qersuutit Kalaallit Nunaanniit annissinermi akigitinneqartoq atorneqarluni.

 

Aalisakkat naleqqersuinermi taaneqartut oqimaassusiisa katinneri 2010-mi oqimaalutaaneq malillugu oqimaalutarineqarput. Taamaasilluni naleqqersuum­mut oqimaalutaq aaliangersimasoq Laspeyres-mi taaneqartartoq atorneqarluni.

 

Aalisakkat akiinut naleqqersuut (2010=100)

Malugiuk: Kisitsisaataasivimmik kisitsisit takukkit  https://bank.stat.gl/fin009 

 

 

 

Aalisakkat akii agguaqatigiissillugu 2023-mi kvartali siullermiit 2024-mi kvar­tali siullermut ima nikeriarsimapput:

 

-   Kinguppaat akii 3 procentip missaanik appariarput.

-   Qalerallit akii 4 procentip missaanik appariarput.

-   Saarulliit akii 4 procentip missaanik appariarput.

       

 

Kalaallit Nunaanni Naatsorsueqqissaartarfiup nittartakkamini https://bank.stat.gl/FIN009 –mi tamanut saqqummiussaani naleqqersuutit ineriartorneri takuneqarsinnaapput.